Best Bollywood Love Poem

 💕KAISE BATAOON MAIN TUMHE MERE LIYE TUM KOUN HO💕

Watch full video here

Kaise bataoon main tumhe,

Mere liye tum koun ho?

Kaise bataoon main tumhe.

Tum dhadkanon ka geet ho,

Jeevan ka tum sangeet ho,

Tum zindagi, tum bandagi,

Tum Roshni, tum taazgi,

Tum har khushi, tum pyaar ho,

Tum preet ho, manmeet ho.

Aankhon mein tum,

Yaadon mein tum,

Saanson mein tum,

Aahon mein tum,

Needon mein tum,

Khwaabon mein tum.

Tum ho meri har baat mein,

Tum ho mere din raat mein,

Tum subah mein, tum shaam mein,

Tum soch mein, tum kaam mein.

Mere liye paana bhi tum,

Mere liye khona bhi tum,

Mere liye hasnaa bhi tum,

Mere liye ronaa bhi tum,

Aur jaagna sona bhi tum.

Jau kahi, dekhu kahi,

Tum ho waha, tum ho wahi.

Kaise bataoon main tumhe,

Tum bin to main kuch bhi nahi.

Kaise bataoon main tumhe,

Mere liye tum koun ho?

Yeh joh tumhara roop hai,

Yeh zindagi ki dhoop hai,

Chandan se tarsha hai badan,

Bahati hai jisme ek agan.

Yeh shokhiya, yeh mastiya.

Tumko havaon se mili,

Zulfe ghataon se mili,

Hoton mein kaliya khil gayi,

Aankhon ko jheele mil gayi,

Chehre mein simti chandani,

Aawaz mein hai ragini.

Shishe ke jaisa ang hai,

Phoolo ke jaisa rang hai,

Nadiyo ke jaisi chaal hai,

Kya husna hai, kya haal hai.

Yeh jism ki ranginiya,

Jaise hazaro titliya,

Baaho ki yeh golaiya

Aachal yeh yeh parchaiya

Yeh nagariya hai khwaab ki,

Kaise bataoon main tumhe,

Haalat dil-e betaab ki.

Kaise bataoon main tumhe,

Mere liye tum koun ho?

Kaise bataoon,

Kaise bataoon main tumhe.

Mere liye tum dharm ho,

Mere liye imaan ho,

Tum hi ibaadat ho meri,

Tum hi chahat ho meri,

Tum hi mera armaan ho.

Taktaa hoon main har pal jise,

Tum hi to woh tasveer ho,

Tum hi meri taqdeer ho,

Tum hi sitaara ho mera,

Tum hi nazaara ho mera,

Yoon dhyan mein mere ho tum,

Jaise mujhe ghere ho tum.

Purab mein tum,

Paschim mein tum,

Uttar mein tum,

Dakshin mein tum,

Saare mere jeevan mein tum,

Har pal mein tum,

Har chhin mein tum.

Mere liye rastaa bhi tum,

Mere liye manzil bhi tum,

Mere liye sagar bhi tum,

Mere liye sahil bhi tum.

Mein dekhta bas tumko hoon,

Mein sochta bus tumko hoon,

Mein jaanta bus tumko  hoon,

Mein maanta bus tumko hoon.

Tumhi meri pehchan ho,

Kaise bataoon main tumhe,

Devi ho tum mere liye,

Mere liye bhagwaan ho.

Kaise bataoon main tumhe,

Mere liye tum koun ho?

Kaise bataoon.

- Movie: Wajood (1998)

Actor: Nana Patekar